Жаңалықтарды Telegram арнамыздан оқыңыз!Алматыда ауа райының қолайсыздығынан бір түнде 39 жол апаты тіркелді. Салдарынан 9 адам зардап шегіп, 2 адам қаза тапты. Бұл туралы қалалық Полиция департаментінің баспасөз қызметі хабарлады.
Полицейлер мұндай ауа райы ең бірінші жолдағы ахуалға тікелей әсер ететінін айтып, жүргізушілерді жолда абай болуға шақырды.
«Көлік жүргізушілерден сұрайтынымыз, көліктеріңізді қыс мезгіліне дайындап, дөңгелектеріңізді ауыстырыңыздар. Ең бастысы, жол жүру ережесін сақтаңыздар, жүргізушіге тән мәдениетті бұзбаңыздар. Жол үстінде өзара сыйластық таныту - жол қауіпсіздігінің кепілі ғана емес, алып шаһарда жол апаттарын азайтатын фактор екеніне баса назар аударғымыз келеді»,– делінген хабарламада.
