Түркістан облысында көкпар ұйымдастырған тұрғын жауапқа тартылды

Түркістан облысында карантиндік шектеулерге қарамастан көкпар ұйымдастырған тұрғын жауапқа тартылды.  

Төлеби ауданына қарасты Алғабас ауылында өткен көкпарға 200-ден аса адам жиналған. Көкпар тартып жатқандар рейдтік тексеру кезінде анықталды. Тәртіп сақшылары карантиндік талапты бұзғандарды тарқатып, оны ұйымдастырған тұрғынға 30 айлық есептік көрсеткіш көлемінде айыппұл салды. Өңірдің санитар эпидемиологтарының мәліметінше, карантиндік шектеулер енгізілгелі бері облыста 4 мыңнан аса тәртіп бұзу дерегі тіркелген. Тиісті талаптарға бағынбағандарға 217 млн теңгеден аса айыппұл салынған.