Түркістан облысында қарақшы тапаншамен қорқытып, 7 млн теңгенің алтын бұйымдарын ұрлап кетті

10.11.2020
Түркістан облысында қарақшы тапаншамен қорқытып, 7 млн теңгенің алтын бұйымдарын ұрлап кетті

 Түркістан облысының полицейлері сауда орталығының бірінен жеті миллион теңгенің алтын бұйымдарын ұрлаған күдіктіні ұстады, – деп хабарлайды Polisia.kz. Түркістан ҚПБ кезекші бөлімінің «102» пультіне сауда орталықтарының біріне белгісіз ер адам кіріп, қару-жарақпен қорқытып, күш қолданып алтын бұйымдарды ұрлап, қашып кеткені туралы хабарлама келіп түсті. 

 Жәбірленушіге келтірілген шығынның жалпы көлемі шамамен жеті миллион теңгені құрады. Аталған фактіні полиция қызметкерлері ҚР ҚК-нің 192-бабы (Қарақшылық) бойынша СДТБТ-ға тіркеп, күдікті адамды іздестіруге кірісті. Қарақшылық шабуылдың тапа тал түсте облыс орталығының көшесінде орын алғанын ескере отырып, Полиция департаментінде тәжірибелі қызметкерлер қатарынан жедел-тергеу тобы құрылды.

Екі күннен кейін жедел шаралар барысында арнайы құрылған іздестіру тобының қызметкерлері күдіктінің ізіне түсті. Оны Кентау қаласы көшелерінің бірінен ұстады. Күдікті жұмыссыз, Түркістан қаласының тұрғыны болып шықты. Ұсталған азамат полиция басқармасына жеткізіліп, УҰИ-ға қамауға алынды. Тергеу барысында анықталғандай, қарақшылық шабуылдан кейін күдікті қалалық жолдар арқылы қашып кеткен. Жігіт бейнекамералар мен іздестіруден құтылу үшін киімін басқа киімге ауыстырып алып, таксиге отырып Кентау қаласына қарай бет алған. Бұл қарақшылық жасаған күдіктіні іздеуге екі күн жұмсаған жедел уәкілдердің жұмысын қиындатты. Белгілі болғандай, көрші қалада күдікті ломбардқа алтын бұйымдардың бірін тапсырып, ал ақшасын өз қажеттілігіне жұмсаған.

«Өзім қатты қорқып қалдым. Күндіз шабуыл жасап, бар алтынымды алып кетті. Содан бірден полицейлерге арыздандым. Тәртіп сақшылары екі күн ішінде күдіктіні ұстап, алтындарымды қайтарып берді. Алғысым шексіз. Полицейлердің жұмысына табыс тілеймін», – деп шынайы ризашылығын жеткізді.


ұрлық Түркістан облысы алтын

Хабарламаларға жазылу