Алматы облысында құс тұмауы тіркелді

Алматы облысының Қарасай ауданында орналасқан ірі құс фабрикаларында құс тұмауы тіркелді. Қазан айының 27-сінен бастап кәсіпорында жұмыртқа алатын бағытта өсіріліп жатқан тауықтар шетінен қырыла бастаған. Себебін анықтау мақсатында арнайы топ құрылып, құстың өлекселеріне потологиялық сынама жасалды. Зерттеу қорытындысында жоғары патогендік құс тұмауы тіркелген. Қазір фабрика карантинге жабылып, ауруды тоқтату бойынша жұмыстар атқарылып жатыр. Тауық өнімдерін шығаратын кәсіпорында 650 мыңға жуық құс болса, қазір олардың 120 мыңнан астамы жойылды.   

Марат Жақсыбаев, ҚР АШМ ветеринариялық бақылау және қадағалау комитетінің өкілі:  
-Басында бір корпуста ғана өле бастады. Қазір енді өлім азайды. Бірақ ветеринарлық талаптарға сәйкес контакті болған құстардың бәрі жойылады.