Жаңалықтарды Telegram арнамыздан оқыңыз!Алматы маңындағы демалыс орындарының бірінде атыс ұйымдастырғандар 20 жылға дейін бас бостандығынан айырылуы мүмкін. Күдіктілер Қылмыстық кодекстің «адам өлтіруге оқталу» бабы бойынша жауапқа тартылады. Алматы облысы ішкі істер басқармасының хабарлауынша, қазір арнайы тергеу тобы құрылып, қаскөйлер әлі іздестірілуде. Естеріңізде болса, өткен сенбі күні Байсерке елді мекеніндегі демалыс орнында беттеріне бетперде киген 20 шақты адам суық қарумен қызметкерлерге оқ жаудырған. Салдарынан үш адам жараланып, екеуі ауруханаға түсті. Дәрігерлер зардап шеккендердің өміріне ешқандай қауіп жоқ дейді.
