Жаңалықтарды Telegram арнамыздан оқыңыз!Көкшетаудан шығатын алты бағытта 7 қарашадан бастап санитарлық бекеттер қойылады. Облыстың бас санитарлық дәрігерінің жаңа қаулысына сай, қалаға кіріп-шыққандар тексеріледі, есепке алынады.
Сондай-ақ, облыс бойынша карантиндік шаралар күшейтіледі. Тұрғындарға аса қажеттілігі болмаса, сағат кешкі 21:00-ден таңғы 6;:00-ге дейін көшеге шығуға болмайды.
Мекемелердің жұмыс уақыты сағат 19;00-ге қысқартылады. Тек азық-түлік дүкендеріне кешкі 20:00-ге дейін жұмыс істеуге рұқсат. Аймақта індетке шалдыққандар күрт көбейген. Ақмола облысында 2 күнде 55 науқас анықталса, оның 31-і Көкшетаудан. Соңғы аптада ауру жұқтырғандар саны өткен жұмадағы көрсеткіштен 2 есе көп.
Айнагүл Мусина, Облыстық тауарлар мен қызметтердің сапасын бақылау департаментінің басшысы:Санитарлық бекеттер арқылы тұрғындардың қозғалысын қадағалауға мүмкіндік аламыз. Ол жерде адамдар тіркеледі және дене қызуы тексеріледі.
Ермек Елберген
