Қонаевтың ескерткішін орнатуға рұқсат жоқ болған - «Qazaqstan» Ұлттық телеарнасы

Қонаевтың ескерткішін орнатуға рұқсат жоқ болған

27.10.2020

Алматы облысы Бақанас ауылындағы мемлекет және қоғам қайраткері Дінмұхаммед Қонаевтың ескерткішін орнату үшін мемлекеттік комиссияның келісі болмаған. Қазір арнайы жұмыс тобы құрылысты толық тоқтатып, ескерткіш авторына мүсіндегі олқылықтарды жоюға екі апта уақыт берді. 

Сондай-ақ қоғамдық қордың жұмысты рұқсатсыз бастағаны үшін жергілікті атқарушы билікке әкімшілік жауапкершілікке тарту ұсынысы жасалды. Ескерткіштегі кемшіліктер жойылғаннан кейін облыстық комиссия барлық құжаттарды қайта қарап, мемлекеттік комиссияның құзырына тапсырады. Тек содан кейін ғана Дінмұхаммед Қонаевтың тас мүсіні тұғырына қайта қонуы мүмкін.  

Гүлмира Қалқабаева,  Алматы облыстық Мәдениет, архивтер және құжатттама басқармасының бөлім басшысы:
Ескерткіштерді орнату талаптарына сәйкес түгел құжаттар қайтадан тексерудене өтуі тиіс. Облыстық комиссияда оң шешімін тапқан жағдайда Қазақстанда орнатылатын монументтік өнердің жаңа құрылыстарын орнату жөніндегі мемлекеттік комиссияның қарауына ұсынылатын болады.

Қуаныш Қанатұлы


Қонаев ескерткіші Алматы облысы Дінмұхаммед Қонаев

Хабарламаларға жазылу