Ең жоғарғы зейнетақы 506 мың теңге: БЖЗҚ өз салымшыларына 138 млрд теңге төледі - «Qazaqstan» Ұлттық телеарнасы

Ең жоғарғы зейнетақы 506 мың теңге: БЖЗҚ өз салымшыларына 138 млрд теңге төледі

26.10.2020
Ең жоғарғы зейнетақы 506 мың теңге: БЖЗҚ өз салымшыларына 138 млрд теңге төледі

Бірыңғай жинақтаушы зейнетақы қоры 1 қазандағы жағдай бойынша өз салымшыларына 138 миллиард теңге төледі.

2020 жылдың 1 қазанындағы жағдай бойынша БЖЗҚ 297 253 адамға төлем төледі. Тұтастай алғанда жалпы сомасы 138,5 миллиард теңгеге 1,6 миллионнан астам зейнетақы төлемі мен сақтандыру ұйымдарына аударымдар жасалды.

Оның ішінде:

- зейнет жасына толуына байланысты төлемдер – 46,1 миллиард теңге;

- сақтандыру ұйымдарына аударымдар – 36,1 миллиард теңге;

- тұрақты тұрғылықты жерге кетуге байланысты төлемдер – 27,6 миллиард теңге;

- мұрагерлік бойынша төлемдер – 24,5 миллиард теңге;

- жерлеуге берілетін төлемдер – 3,01 миллиард теңге;

- мүгедектік бойынша төлемдер – 1,1 миллиард теңге.

БЖЗҚ ақпараты бойынша, ай сайынғы орташа төлем (зейнеткерлік жасқа толуға байланысты) 22 739 теңгені құраса, ай сайынғы ең жоғары төлем сомасы 506 980 теңге болды.

БЖЗҚ зейнетақы қоры төлем зейнеткер

Хабарламаларға жазылу