Жаңалықтарды Telegram арнамыздан оқыңыз!Бұл туралы бүгін Ақпарат және қоғамдық даму министрі Аида Балаева мәлім етті.
Қазақстанда петиция ұғымын бекітетін, петиция бастап, оған қол жинау, қандай да бір органның петицияны қарау тәртібін бекітетін нормативтік-құқықтық база әзірленіп жатыр. Осы мәліметті хабарлаған Ақпарат және қоғамдық даму министрі Аида Балаева петиция қандай жағдайда қаралуы мүмкін екенін айтты.
«Көптеген елдерде петиция –ұжымдық өтініш білдірудің электрондық формасы болып саналады және заңнамалық деңгейде реттеледі. Осының негізінде, қазіргі таңда, «петиция» ұғымын нақты бекітетін және оны ұсыну мен қарау тәртібін реттейтін тиісті нормативтік-құқықтық база әзірленуде. Әрине, өтінішті міндетті түрде қарау үшін оған қажетті дауыс берушілердің шекті санын анықтау қажет. Әлемде бұл көрсеткіш 10 мыңнан 100 мың адамға дейін қарастырылады», - деді Аида Балаева.
Айта кетейік, Президент Қасым-Жомарт Тоқаев биылғы жолдауында халыққа онлайн-петициялар арқылы өз ерік-тілектерін білдіруге мүмкіндік беру деген болатын.
