Тәуелсіздіктің 30 жылдығына орай сансыз салтанат өтпейді - Тоқаев

22.10.2020
Тәуелсіздіктің 30 жылдығына орай сансыз салтанат өтпейді - Тоқаев

Қасым-Жомарт Тоқаев қазір той тойлайтын заман емес дейді.

«Келесі жылы тәуелсіздігімізге 30 жыл болады. Бұл жыл экономикалық және саяси реформалар, цифрландыру, адамдардың құқықтарын қорғау, денсаулық сақтау мен білім беруді дамыту, экологияны аялау ұранымен өтуі керек. Дәл қазір осынау тарихи маңызды күнге байланысты сансыз салтанат өткізетін кез емес. Маңызды істерді кейінге ысыра бермей, ең қысқа уақытта нақты нәтижеге қол жеткізу керек», - деді Тоқаев өз сөзінде.  

Сонымен қатар, Президент елдегі саяси трансформация популистік акцияға айналмай, әрбір азамат үшін пайдасы тиер өзгерістермен есте қалуы тиіс дейді.  

«Қазақстанның саяси трансформациясы бір сәттік, ол былай тұрсын, популистік акция емес. Бұл реформа стратегиялық бағытқа ие, өйткені, саяси трансформация Қазақстанды демократиялы әрі өркениетті мемлекет ретінде қалыптастыруды көздейді. Қазақстанның саяси модернизациясы жастардың мүдделеріне сай келетіндей жасалады», - деді Тоқаев.

Хабарламаларға жазылу