Жаңалықтарды Telegram арнамыздан оқыңыз!Биыл елге тартылған инвестиция 7,3 млрд долларға қысқаруы мүмкін. Сыртқы істер министрлігінің мәліметінше, былтырға қарағанда шетелден келетін қаржы 30%-ке азаяды. Әсіресе ақпарат және байланыс саласында инвестиция 85%-ке төмендеп, 19 млн долларға қысқарды. Ал қаржы және сақтандыру саласына салынған қаржы 48%-ке дейін төмендеп, 377 млн долларға азайған. Құрылыс 269 млн, транспорт пен саудаға құйылған инвестиция 428 млн, тіпті 1 млрд долларға дейін азаюы мүмкін. Негізі қаржының көбі бізге Нидерландыдан келеді. Бірақ бұл ел биыл инвестицияны 33%-ке азайтып отыр. Сонымен бірге АҚШ, Швейцария, Ресейден де Қазақстанға құйылған ақша азайған.
Ақерке Бектас
