Атырауда Қазақстан мен шетелдіктердің жалақы теңсіздігіне қатысты 109 факт анықталды - «Qazaqstan» Ұлттық телеарнасы

Атырауда Қазақстан мен шетелдіктердің жалақы теңсіздігіне қатысты 109 факт анықталды

15.10.2020
Атырауда Қазақстан мен шетелдіктердің жалақы теңсіздігіне қатысты 109 факт анықталды

Бұл туралы аймақтық басылымдар облыстық Мемлекеттік еңбек инспекциясы басқармасының басшысы Игілік Әубәкіровтің мәліметіне сілтеме жасай отырып хабарлайды. 

Дереккөзіне сүйенсек, биыл 9 айда Атырау обылысындағы өндіріс орындарында 18 жазатайым оқиға тіркелген, 8 адам көз жұмған. 13 адам ауыр жарақат алған. Еңбек инспекторы аймақтағы кәсіпорындар қазақстандықтар мен шетелдіктердің жалақысын тең бермейді деген мәлімет ұсынып отыр. 

«Өткен жылы еңбек инспекциясы 50-ден астам шетелдік қызметкері бар 43 кәсіпорынды тексерді. Нәтижесінде қазақстандықтар мен шетелдіктердің жалақысындағы теңсіздікке байланысты 109 факт анықталған.  200-ден астам шетелдік тиісті дипломсыз жұмыс істеген. Тексеру биыл да жүріп жатыр. Қазір жалақыға қатысты теңсіздікке жол берген 10 компания еңбек инспекциясының бақылауында тұр», - деді Әубәкіров.
еңбек дауы жалақы теңсіздігі Атырау шетелдік жұмыс күші

Хабарламаларға жазылу