Жаңалықтарды Telegram арнамыздан оқыңыз!АҚШ-тың ірі қаласы - Нью-Йоркте мектептер жабылып жатыр. Коронавирустың өршуіне байланысты штат губернаторы Эндрю Куомо осындай бұйрық берді. Бүгіннен бастап мегаполистің 11 ауданында барлық мемлекеттік және жекеменшік оқу орындары мен балабақшалардың қызметі тоқтайды.
Ал коронавирус жұқтырған ел президенті Дональд Трамп Ақ үйге оралды. Әскери госпитальде 3 күн емделген ол резиденциясына келген бойда маскасын шешіп, суретке түсті. Президент штабының хабарлауынша, Трамп қазанның 15-не жоспарланған сайлауалды дебатқа қатысуға ниетті. Айта кетсек, АҚШ-та COVID-19 жұқтырғандар саны 7,5 миллионға жуықтап, 210 мыңнан астам адам одан қайтыс болды.
Жансая Қапасқызы
