Ақтауға қоқиқаздардың алғашқы легі ұшып келді

Олар шаһар маңындағы Қаракөл көліне аялдады. Қанаттылар мұнда Ақмола облысындағы Қорғалжын мемлекеттік табиғи қорығы аумағындағы Теңіз-Қорғалжын көлдерінен ұшып келген. Фламинго соңғы 5 жылда өңірге күз мезгілінде келетін болған. Экологтар мұны қыстың жылы болуымен байланыстырады. Ал, оған дейін тек наурыз айында келіп сәуірде қайта ұшып кететін. «Қызыл кітапқа» енген бұл құстардың Қаракөлге аялдайтын себебі - көлдің суы жылы әрі қоректік заттарға бай. 

Аягөз Оралбайқызы