Жаңалықтарды Telegram арнамыздан оқыңыз!Қауіпті медициналық қалдықтар айдалаға ашық төгіліп жатыр. «Ақ жол» партиясы фракциясының өкілі Мәжілістің жалпы отырысында осылай деп Үкіметке сауал жолдады. Халықаралық ережеге сай Қазақстанда қалдықтар өртелуі тиіс. Дегенмен, бұл талапты барлық мекеме бірдей орындап отырған жоқ. Жуырда ғана жедел жәрдем көлігімен қоқыс жәшігіне, қала сыртына төккен деректер де анықталған. Коронавирустың таралуы кезінде қауіпті қалдықтардың көлемі еселеп артқан. Осыған орай депутаттар қауіпті індеттің қайта таралуына жол бермеу мақсатында қалдықтарды жою мәселесін қатаң бақылауға алуды сұрады.
Оңғар Алпысбайұлы
