Мұнай бағасы күрт арзандады - «Qazaqstan» Ұлттық телеарнасы

Мұнай бағасы күрт арзандады

22.09.2020

Мұнай бүгін күрт арзандады. BRENT маркасы 4 пайызға құнсызданып, 41,4 долларға, WTI 39,48 долларға сатыла бастады. Бұған коронавирустың екінші толқыны басталады деген ақпарат әсер еткен. Яғни, әлем экономикасы қайта әлсіреп, шикізатқа деген сұраныс азаяды. 

Сондай-ақ Ливиядағы қара алтын өндірісінің қайта жандануы да бағаның төмендеуін жылдамдатқан. Ал мұнай бағасының өзгеруі доллардың қымбаттауына әкеліп соқты. Қор биржасындағы таңғы сессияның қорытындысы бойынша 1 доллар 423 теңгеге теңесті. Соңғы 2 күнде шетел валютасы төл теңгеге шаққанда 2,33 теңгеге қымбаттап отыр.

Оңғар Алпысбайұлы

Хабарламаларға жазылу