Ұлыбританияда қайта карантин енгізілуі мүмкін - «Qazaqstan» Ұлттық телеарнасы

Ұлыбританияда қайта карантин енгізілуі мүмкін

21.09.2020

Ұлыбританияда жаппай оқшаулау режимі қайта енгізілуі мүмкін. Бұл туралы елдің денсаулық сақтау министрі Мэтт Хэнкок хабарлады.

Біріккен Корольдікте соңғы апталарда коронавирус жұқтырғандар саны күрт артып, күніне 4 мыңнан астам науқас тіркелуде. Осыған байланысты талаптар да күшейтіліп жатыр. Енді карантин ережелерін екі рет бұзғандарға 12 мың долларға дейін айыппұл салынады. 

Үндістанда коронавирус өршіп тұрғанына қарамастан әйгілі Тәж- Махал туристер үшін қайта ашылды. Алғашқы күннің өзінде кесенені 300-дей адам тамашалады. Мешітке күніне 5 мың адамның баруына рұқсат берілген. 

Айта кетсек, Үндістанда өткен тәулікте COVID-19 дерті 87 мыңдай адамнан анықталып, жалпы науқастар саны 5,5 миллионға таяп қалды.

Жансая Қапасқызы

Хабарламаларға жазылу