Жаңалықтарды Telegram арнамыздан оқыңыз!Қарағанды облысында шөп өрті жиіледі. Соңғы екі тәулікте 5 жағдай тіркеліп, шаруалардың дайындап қойған 160 тонна шөбі өртеніп кеткен. Соңғы оқиға Теміртауда болған. Тұрғын үйдің ауласындағы 15 тонна шөп пен 2 қора өртенген. Қызыл жалынды өз бетінше сөндірмек болған 1981 жылғы азамат күйік шалып, ауруханаға түсті. Осындай оқыс жағдайлар Абай, Бұқар жырау, Осакаров аудандарына қарасты елді мекендерде болып, дайындалған мал азығы күлге айналды. Шығыс Қазақстан облысында да тамыз айынан бастап 39 өрт оқиғасы тіркеліп, ауыл тұрғындарының қысқа әзірлеген 800 тоннаға жуық шөбі жанып кеткен.
Руслан Нұрланұлы
