Алматыда шенеунік көлігімен 3 жасар баланы қағып кетті (толығырақ)

 

Бұл туралы бүгін Алматы қалалық ІІД баспасөз қызметінің өкілдері хабарлады.

 

Оқыс оқиға 20-маусымда болған. Анасы мен баласы Жансүгіров пен Жұмабаев көшелерінің қиылысынан өтіп бара жатып, жүйткіген «Lexus»-тың астына түскен.

 

Көлік жүргізушісі - Алматы облысы Ұйғыр аудандық Салық басқармасының басшысы Бақыт Құрмашев.

 

Ол жапа шеккен әйел мен оның баласын оқиға орнында тастап қашып кетпек болған. Қуыс көшелердің біріне бұрылған «Lexus»-ты оқиға куәгерлері көліктерімен қоршап, тырп еткізбепті.

 

Ауыр жараланған жүкті  әйел бірнеше сынықпен ауруханада жатыр. Ал, 3 жасар сәбидің халі  мүшкіл. Қазір комада жатыр.

 

Кінәлі шенеунік Қылмыстық Кодекстің 3 бабы бойынша заң алдында жауап беретін болады.

 

Салтанат Әзірбек, Алматы қалалық ІІД баспасөз хатшысы:

Қазіргі таңда  «Lexus» маркалы көлік тізгінінде 1958 жылы туған Талғар ауданының тұрғыны болғаны анықталды. Ол рөлге мас күйінде отырған. Тергеу амалдары жалғасуда. Қылмыстық Кодекстің 3 бірдей бабы бойыншы іс қозғалды. Қызметтік шеніне, қоғамдағы орнына қарамастан,  жасаған қылмысы үшін заң бойынша жауап беруі тиіс.

 

Дәурен ДАРИЯБЕК