Беларусьта өтетін президент сайлауы қалай болады?

Беларусьта тамызда өтетін президент сайлауына орай науқан қазіргі президенті А.Лукашенконы кіжіндіріп отыр. Бұл жолы да сол баяғыдай өтетіндей көрінген, бәрін коронавирус «бүлдірді». Оның пандемияны елемей, моншаға барып, жүз грамм ішіп, одан трактормен жер жыртса, бәле де жоқ деген тығырықтан шығу «рецептісі» күмәнді екенін онсыз да білетін жұрт, бұл жолы үндемей қалмады. Потенциалды үміткерлерді бюллетеньге енгізбеудің бар амалы жасалып, наразы адамдардың лидерлерін қамап жатса да, Беларусьта тамыз айы қоңыр салқын болмайын деп тұр. Көшеге шыққан көптің «Саша, 3 процент» кекесініне президенті күйіп жүр...