Жаңалықтарды Telegram арнамыздан оқыңыз!Осы эпидахуал ушыққан Шымкентке Түркістан облысы 300 провизорлық орынды шымкенттік науқастарға көмек ретінде ұсынып отыр. Қазір Түркістан облысының ауруханаларында 9 мың төсек-орын бар. Ал оның 25 пайызы бос тұрған көрінеді. Бұл туралы облыс әкімінің орынбасары Сәкен Қалқаманов Facebook желісіндегі тікелей эфир кезінде мәлімдеді. Сондай-ақ ол ауруханалардың ахуалына тоқталды. «Өңірдегі 124 жедел жәрдем көлігінің 85-інде ғана ИВЛ аппараты бар. Ауруханаларда өкпені жасанды желдететін осындай 178 құрылғы бар. Компьютерлік томография жасайтын қондырғының облыс бойынша 10-ы ғана жұмыс істеп тұр. Ал пневмония шалдыққандар саны екі мыңға жуықтаған. Ауруханаларға орын жоқ, дәрі-дәрмек тапшы деген мәселелер туындаса, тұрғындар 109 call-орталығына қоңырау шалуына болады»,- деді Сәкен Қалқаманов.
Гүлжазира ҒАЛИ
