Жаңалықтарды Telegram арнамыздан оқыңыз!Әлемде коронавируспен сырқаттанғандар саны 8 миллионнан асты. Қытай астанасы Бейжіңде жағдай қайта ушығып барады.
Өткен тәулікте жұқпалы инфекция 27 адамнан анықталды. Бұдан бөлек, 106 адам ауруханада жатыр. Жергілікті биліктің хабарлауынша, вирус азық-түлік базарынан тараған. Өткен тәуліктерде сол сауда-саттық орнынан 57 адам ауруға шалдыққан. Осыдан кейін қалада қоғамдық көліктердің қозғалысы шектеліп, бірқатар аудандарда әскери режим енгізілді.
Жаңа Зеландияда да бүгін екі адамнан коронавирус анықталды. Елде 24 күннен бері инфекция жұқтыру оқиғасы тіркелмеген еді. Науқастардың екеуі де Ұлыбританиядан барған.
Жансая ҚАПАСҚЫЗЫ
