Қостанай қаласы маңындағы бұлақтардан зиянды заттар табылды - «Qazaqstan» Ұлттық телеарнасы

Қостанай қаласы маңындағы бұлақтардан зиянды заттар табылды

08.06.2020

Қостанай қаласының маңындағы бұлақтардың суын ішуге болмайды. Оның тазалығын зерттеген мамандар осындай тұжырым жасап отыр. Зертханалық тексеріс кезінде су құрамында ауыр металл, фосфат, нитраттың көлемі 1,5 есе көп екендігі анықталған. Бұл зиянды заттар бауыр, бүйрек ауруларын асқындыруы мүмкін. Тобыл өзенінің аңғарынан ағатын бірнеше бұлақтың суын жергілікті тұрғындар жиі тұтынады. Себебі табиғи таза деп есептейді. Алайда, химиялық талдау оның адам ағзасына зиянды екенін көрсетті. Мамандар жер асты суының ластануыныың басты себебі - саяжайлардағы бау-бақша химикаттарының топыраққа сіңуі екенін айтады.

Дәуренбек ӘБДІБЕК


Хабарламаларға жазылу