Шымкентте карантин және шектеу шаралары 22 маусымға дейін ұзартылды - «Qazaqstan» Ұлттық телеарнасы

Шымкентте карантин және шектеу шаралары 22 маусымға дейін ұзартылды

08.06.2020
Шымкентте карантин және шектеу шаралары 22 маусымға дейін ұзартылды

Шымкент қаласының Бас мемлекеттік санитариялық дәрігерінің Шымкент қаласының аумағында карантин және шектеу шараларын ұзарту туралы қаулысы жарияланды.

Құжатқа сәйкес, карантин мен шектеу шаралары қала аумағында 8 маусымнан 22 маусымға дейін жалғасады.

- Тұрғындар қоғамдық орындар мен қалалық қоғамдық көліктерде және қызметі рұқсат етілген нысандарда бетпер делер мен қолғап киіп жүруі тиіс;

- Себепсіз қала ішінде еркін қозғалысты шектеу аталап етіледі;

- Бетпердесіз жолаушылар қоғамдық көліктерге отырғызылмайды;

- Базарлардың жұмыс уақыты сағат 06.00-ден сағат 19:00-ге дейін шектеледі;

- Қоғамдық тамақтану орындарының жұмыс уақыты 23:00-ге дейін бекітілді;

- Сауда және ойын-сауық орталықтары мен оның аумағында орналасқан кинотеатрлар, балалардың ойын алаңдары, мұз алаңдары мен батут және фудкорттардың ашылуына әлі де тиым салынды;

- Шомылу мен демалыс орындарында адамдардың шоғырлануына жол бермеу бойынша шаралар қабылдау міндеттелді.

Хабарламаларға жазылу