Пәкістанда жолаушылар ұшағы апатқа ұшарады

22.05.2020

«Пәкістан халықаралық әуе жолдары» компаниясының жолаушылар ұшағы елдің оңтүстігіндегі Карачи қаласының маңына құлады. «Аэробус А-320» лайнерінің бортында 107 адам болған. Солардың 99-ы – жолаушылар, сегізі – экипаж мүшелері. Барлығы қаза тапты.

Куәгерлердің айтуынша, әуе машинасы қонуға 2-3 мәрте әрекет жасап, жақын маңдағы халық тығыз шоғырланған аудандағы үйлердің үстіне түскен. Оларда қанша адам құрбан болғаны әзірге белгісіз. Және де сол жерде бірнеше машина өртеніп кетті деген мәлімет бар.  

Азаматтық авиация мамандарының сөзінше, апатқа ұшақтың дөңгелектерінің ашылмауы себеп болса керек. Қазір тергеу жүріп жатыр.

Арыстан РЫСБЕК


Хабарламаларға жазылу