Жаңалықтарды Telegram арнамыздан оқыңыз!Еліміздің жалпы ішкі өнімі 0,2 пайызға төмендеп кеткен.
Бүгін төрт айды қорытындылаған Үкімет көрсеткіштердің көңіл көншітпейтінін жариялады.
Əсіресе, қаңтар-сәуір айларында қызмет көрсету саласы - 17, сауда – 35 пайызға азайған. Импорт 7 млрд долларға дейін төмендеді. Ал негізгі капиталға салынған инвестициялар 0,9 пайызға баяулап отыр. Көрсеткіштердің кері кетуіне коронавирустың кесірінен жарияланған карантин себеп.
Десе де өсім жоқ емес. Тауар өндірісі – 5,8, ал құрылыс 5,5 пайызға артқан. Экспорт көлемі де 4,2 пайызға ұлғайып отыр.
Премьер-Министр дағдарыстан шығу үшін шұғыл түрде кешенді жоспар әзірлеуді тапсырды.
Досжан Маратұлы
