Елорда маңындағы блокбекеттерде қарбалас жоқ

Елорда аумағындағы блокбекеттерде қарбалас жоқ. Қала маңындағы блок бекеттер сол қалпы сақталады. Жолаушыларға талап бұрынғыдай. Бұл туралы ішкі істер департаментінің өкілі хабарлады. Орталыққа тек азық-түлік тасымалдаушылар жасыл дәліз арқылы кедергісіз өтіп жатыр. Сондай-ақ, шаһардың тыныс-тіршілігін қамтамасыз ететін мекеме жұмысшылары ғана қатынай алады. Олардың тізімін Ақмола облысының әкімдері береді. Бірақ шектеуге түсіп қалған ауыл тұрғындары бөгеттердің алынуын сұрап жатқаны туралы айтылды. Нұр-Сұлтан айналасындағы барлық өткізу-бақылау бекеттері күшейтілген тәртіпте жұмысын жалғастырып жатыр.