Жаңалықтарды Telegram арнамыздан оқыңыз!107 жастағы түриялық Хавахан Карадениз есімді әжей COVID-19 вирусынан жазылып шыққан ең қарт адамдардың бірі. Anadolu ақпарат агенттігінің мәлеметіне сәйкес, қария Стамбул емханасына 7 ақпан күні жоғары температура және қатты жөтел белгілерімен түскен. Анализ қорытындылары қарияның коронавирус жұқтырғанын көрсеткен.
Алайда дәрігерлердің айтуынша науқас жоғары иммунитетінің арқасында ауруды небәрі бір аптаның көлемінде жеңіп шыққан. Қазіргі таңда 107 жастағы Хавахан Карадениз емханадан шығарылып, үй карантиніне көшірілген.
Бұған дейін Нидерланд, Ұлыбритания, Италия, Испания елдерінде 100 жастан асқан қариялардың вирустан жазылып шыққаны жарияланған болатын.
Дереккөз: Anadolu
