Жаңалықтарды Telegram арнамыздан оқыңыз!Елорда тұрғындары COVID-19-ға тегін тест тапсыру үшін қажетті өтінімді «Smart Astana» қосымшасы арқылы толтыра алады. Бұл туралы Нұр-Сұлтан әкімінің орынбасары Малика Бектұрова өзінің Telegram-да жазды.
Ол үшін:
1. www.cdl.kz сайтында немесе «Smart Astana» мобильді қосымшасының «Медицина» бөлімінде сауалнаманы толтырыңыз;
2. Денсаулық сақтау министрлігінің эпидемиологтары азаматтарды белгілі бір көрсеткіштер бойынша іріктейді; Бекітілген тізім «Олимп» клиникалық-диагностикалық зертханасына жіберіледі;
3. Өтінімнің расталғанын күтіңіз;
4. «Олимп» КДЗ операторлары сізге қоңырау шалып, қай жерге, қай уақытта келуі керектігін айтады;
Сараптама жасалатын зертханаға міндетті түрде медициналық маска киіп, жеке куәлікті ала келу керек.
Тексеріс қорытындысы сауалнамада көрсетілген поштаға жолданады.
