Елімізде вирус жұқтырғандар саны 802-ге жетті

10.04.2020

Бір тәулік ішінде елімізде тағы 38 адамнан COVID-19 вирусы анықталды. Дәл қазіргі таңда ел бойынша науқастар саны 802-ге жетіп отыр. 63 адам жазылып, үйлеріне қайтарылды. Өкінішке қарай, 9 адам қайтыс болды. Бұл індет еліміздің барлық 17 аймағына тарап үлгерген. Басым көпшілігі Нұр-Сұлтан қаласында. Одан кейін Алматы қаласы. Қызылорда өңірінде 104, Ақмола мен Қарағанды облыстарында 61 адамнан тіркелді. Жамбыл және Атырау облыстарында 45, Түркістан аймағында 34 адамнан вирус анықталған. Шымкент қаласында 31, Солтүсік Қазақстанда 25, Ақтөбе облысында 11, Алматы облысында 10 дерек тіркеліп отыр. Өзге аймақтарда науқастар саны он адамға жетпейді.

Шерхан ЖАМБЫЛҰЛЫ


Хабарламаларға жазылу