Жаңалықтарды Telegram арнамыздан оқыңыз!Еліміздегі төтенше жағдайға байланысты колл орталықтардың жұмысы қыза түскен. Қазір халыққа қызмет көрсету және iKomek 109
бірыңғай байланыс орталығының мамандары күні-түні жұртшылықтың қоңырауына жауап береді. Көбінің сұрағы әлеуметтік көмекке байланысты: «42 500 теңгені алу үшін не істейміз», «тегін берілетін азық-түлікті қалай аламыз» деп хабарласады екен.
Қазір ХҚКО қызметкерлерінің барлығы қашықтан жұмыс істеп жатыр. Мемлекеттік реестр бойынша 700-ге жуық қызмет болса, соның 80 пайызын үйден шықпай-ақ электронды жүйемен алуыңызға болады.
Ал iKomek 109 жағдай басқаша. Байланыс операторларының жұмысы бір жерде қыж-қыж қайнап жатыр. Бұрын 30 қызметкер болған. Қазір 53 -ке жетті. Бұрын 10 мыңдай қоңырау түссе, қазір 15 мың қоңырауға жауап береді.
Үш жыл бұрын ашылған iKomek 109 алғашқы жылы 1 миллион 400 мың қоңырау түскен. Ал биыл үш айдың өзінде 650 мыңдай қоңырау шалыныпты. Тұрғындар үйде отырып-ақ мәселесін шешуге үйреніп келетінін айтады мамандар.
Сәуле АЛДАМҰРАТ
