Сыбайлас жемқорлыққа қарсы іс-қимыл агенттігі блок бекеттерге рейд жүргізді - «Qazaqstan» Ұлттық телеарнасы

Сыбайлас жемқорлыққа қарсы іс-қимыл агенттігі блок бекеттерге рейд жүргізді

07.04.2020

Блок бекеттердің жұмысы қатаң бақылауға алынып жатыр! Сыбайлас жемқорлыққа қарсы іс-қимыл агенттігі бүгін Нұр-Сұлтандағы осындай бекеттердің біріне барып, тексеру жүргізді. Өйткені ондағы полицейлердің жұмысына шағымданушылар көп. Тіпті әлеуметтік желіде 50, 100 мың теңге пара беріп, посттан оп-оңай өтіп кетуге болады деген сарындағы ақпараттар өріп жүр. Сондықтан жемқорлыққа қарсы қызмет қоғам белсенділері, мәслихат депутаттарымен бірігіп, елордадағы 7 посттың жұмысын қадағаламақ. Айта кетерлігі, қалаға азық-түлік тасымалдаушылардың кіріп-шығуына кедергі жоқ. Әрі емделу үшін өзге қалаға баруы тиіс адамдарға жол ашық. Бірақ оны растайтын құжат болуы тиіс.   

Досжан МАРАТҰЛЫ


Хабарламаларға жазылу