Карантиндегі азаматтар мобильді қосымша арқылы бақылауға алынады

30.03.2020

Жұқпалы індетке байланысты үйде карантинде отырған азаматтарға енді қашықтықтан бақылау жүргізілмек. Smart Astana мобилдьді қосымшасы арқылы жүзеге асатын бұл жүйе 1 сәуірден бастап енгізіледі. Бақылау тетігінің бұл түрі әзірге Нұр-Сұлтан және Алматы қаласында ғана іске қосылады. Нұр-Сұлтан қаласы әкімінің орынбасары Малика Бектұрованың айтуынша, жоба әлемнің 15-ке жуық елінде табысты түрде жүзеге асқан. Карантиндегілерді қашықтықтан қадағалау үшін Денсаулық сақтау министрлігі Нұр-Сұлтан және Алматы қаласы әкімдігімен бірлесе Smart Astana қосымшасын қолға алмақ. Бұл бойынша, карантинде жатқан әрбір азамат ұялы телефонына мобильді қосымшаны орнатып, геолокацияны, Wi-Fi және Bluetooth жүйелерін қосып қоюы шарт.

Назым ҚАЙРАТ


Хабарламаларға жазылу