Президент төтенше жағдай режимін қамтамасыз ету жөніндегі мемкомиссия жұмысымен танысты - «Qazaqstan» Ұлттық телеарнасы

Президент төтенше жағдай режимін қамтамасыз ету жөніндегі мемкомиссия жұмысымен танысты

18.03.2020
Президент төтенше жағдай режимін қамтамасыз ету жөніндегі мемкомиссия жұмысымен танысты

Мемлекет басшысы Премьер-Министр, төтенше жағдай режимін қамтамасыз ету жөніндегі мемлекеттік комиссия төрағасы Асқар Маминді қабылдады, деп хабарлайды Ақорда 

Премьер-Министр, төтенше жағдай режимін қамтамасыз ету жөніндегі мемлекеттік комиссия төрағасы Асқар Мамин Президент Қасым-Жомарт Тоқаевқа комиссияның жұмысы және ел аумағында коронавирус індетінің таралуына қарсы қабылданған шешімдер жайында баяндады. 

Мемлекеттік комиссияның төрағасы Нұр-Сұлтан және Алматы қалаларында карантиннің енгізілуі, экономика субъектілерін қолдау шаралары, коронавирус жұқтырғандардың пайда болу ықтималдығына өңірлердің дайындығы туралы айтты. 

Қазақстан Президенті комиссия мүшелері жүйелі жұмыс істеп, аймақ басшыларымен өзара ынтымақтаса әрекет етуінің маңызын атап өтті. 

Мемлекет басшысының пікірінше, фискалды саясатты тиімді жүзеге асыру мәселесіне баса мән беру керек. Бұл ретте Үкімет пен Ұлттық банктің үйлесімді іс-қимылы аса маңызды.

Хабарламаларға жазылу