Жеке тұлғалар несиесін төлей алмай қалса, үстінен өсімпұл қосылмайды

Мемлекет төтенше жағдай кезінде қазақстандықтарға қаржылай көмек көрсету туралы шешім қабылдады. Төтенше жағдай уақытында жеке тұлғалар қарызын төлей алмай қалса, оның үстіне айыппұл мен өсімпұл қосылмайды. Мұндай талап екінші деңгейлі банктер, микроқаржылық ұйымдар, ломбарттардан алған қарыздарға қойылатын ортақ талап.

Төтенше жағдай кезінде табысы азайған кәсіпкерлерге несиелік жеңілдіктер беріледі. Енді олардың төлемдері 90 күнге кейінге шегеріледі. Ал жұмысына мүлдем шектеу қойылғандар 1 жылға салықтан босатылады.

Несиені төлеу уақытын кешіктіргендер келесі 12 айдың ішінде мерзімі өткен қарыздың жартысын төлесе кредиттік тарихы қалпына келтіріледі. Бұл бастамалардың барлығы заң жүзінде бекітіледі.

Оңғар АЛПЫСБАЙҰЛЫ