Ресейде жалға берілетін үйлер мен азық-түліктің бағасы өсті - «Qazaqstan» Ұлттық телеарнасы

Ресейде жалға берілетін үйлер мен азық-түліктің бағасы өсті

10.03.2020

Ресей нарығында да жағдай мәз емес. Рубль құлдырап, Мәскеу биржасының индекстері бүгін 10,4 пайызын жоғалтты. Доллар 72 рубльге жетті. Сәуірдің бірінен соң рубль тіпті әлсіреуі мүмкін. Сарапшылар бюджет тапшылығы анық сезілетінін айтады.

Мұнай құнының төмендеуіне байланысты Мәскеуде азық-түлік бағасы бірден отыз пайызға көтерілді. Әсіресе, сырттан импортталатын тауарлардың құны шарықтап тұр. АИ-92 маркалы бензин бағасы бүгін үш рубльге өсті. Сарапшылар сәуірге дейін тағы да он рубльге көтеріледі деп болжап отыр. Киім-кешек те қымбаттаған. Ал үйлерін жалға беретін кәсіпкерлер салық өседі деген сылтаумен, бір тәуліктің ішінде пәтер бағасын орта есеппен 100, 200 мың теңгеге көтеріп жіберді.

Индира БЕГАЙДАР


Хабарламаларға жазылу