Жаңалықтарды Telegram арнамыздан оқыңыз!Токио Олимпиадасында нысана көздеу спортының серкелері мүлт кетпейміз деп отыр. Мергендердің қоржынында қазір екі лицензия бар. Ендігі мақсат Үндістан елінде өтетін Әлем кубогында топ жарып, тағы бірнеше жолдама ұтып алу. Спортшылардың негізгі базасы Шымкент қаласында. Жақында ғана осы шаһарда жаңа заманауи кешен ашылып, жаттығуды шыңдай түсуге жағдай жасалды. Тәуелсіз Қазақстан тарихында отандық сұрмергендер олимпиаданың 3 медальіне ие болған. Спортшыларымыз күн шығыс елінде де жеңіс тұғырына көтерілуді көздеп отыр. Бапкерлер Азия ойындарында күміс алған Сәрсенкүл Рысбекова мен үздік алтылыққа енген Юрий Юрковқа сенім артады.
Шерхан ЖАМБЫЛҰЛЫ
