Жаңалықтарды Telegram арнамыздан оқыңыз!Алғыс айту күніне орай «Қазақ радиоларының» «Мың алғыс» дәстүрлі қайырымдылық шарасы өтіп, 10-даған адам қуанышқа кенелді.
Олар радионың «Мың алғыс» хабарынан көмек сұрап хабарласқан жандар. Мәселен, мидың қатерлі ісігіне шалдыққан Самат Ақбергенов есімді азаматқа бүгін жомарт жандар тарапынан жиналған 18 миллион 500 мың теңге табысталды. Сондай-ақ, баспанаға мұқтаж үш отбасы пәтер кілттерін алып, шаттыққа бөленді. Шара барысында қайырымдылық жәрмеңкесі өтіп, одан түскен қаражат лейкозға шалдыққан Айғаным есімді бүлдіршінге берілді. Жалпы, осы «Мың алғыс» жобасы басталғалы 90 миллионнан астам қаражат жиналып, 10-даған науқас дертіне операция жасатқан.
Амангелді СЕЙІТХАН
