Дәрігерлердің жалақысы жарты миллион болады - «Qazaqstan» Ұлттық телеарнасы

Дәрігерлердің жалақысы жарты миллион болады

28.02.2020

2025 жылға қарай Қазақстандық дәрігерлердің жалақысы жарты миллионнан асады. Нақтырақ айтсақ, 536 мың теңге. Жағымды жаңалықты жеткізген Денсаулық сақтау министрі Елжан Біртанов, бұл шараның 2020-2025 жылдарға арналған мемлекеттік бағдарлама аясында жүзеге асатынын айтты.

2019 жылдың қаңтар айында медициналық қызметкерлердің айлығы 30 пайызға көтерілгенде дәрігерлердің ақшасы 160 мыңнан асса, медбикелердікі 100 мыңнан жоғарылады. 2020 -жылы дәрігерлерге тағы 30 пайыз, мейіргерлерге 20 пайыз қосылды. Сонда жыл басынан бері олар 144 мың мен 250 мың теңге арасында айлық алып отыр. Ал 2025 жылы бұл екі есеге артпақ. Сол кезде дәрігерлер 536 мың теңге, мейіргерлер 232 мың теңге алатын болады.

Сәуле АЛДАМҰРАТ


Хабарламаларға жазылу