Жаңалықтарды Telegram арнамыздан оқыңыз!Таңертең жаңбыр жауып, оның соңы көктайғаққа айналған. Соның кесірінен автобустардың қозғалысы баяулап, жолаушылардың оны ұзақ күтуіне тура келіп жатыр. Балалардың қауіпсіздігін қамтамасыз ету үшін қалалық білім бөлімі екінші ауысымдағы сабақты тоқтатты. Синоптиктер ертең де жаңбыр жауып, көк айна боп қатқан мұзды қалыңдата түсуі мүмкін деп болжап отыр. Сондай-ақ жылдамдығы секундына 20 метрге дейін жететін жел соғып, ауа температурасы 8 градусқа төмендейді. Қазірдің өзінде көктайғақтан зардап шегіп медициналық көмекке жүгінгендер саны 25-ке жетті.
Дәуренбек ӘБДІБЕК
