Коронавирусты жұқтырғандар саны азайып келеді

Ал Қытайда коронавирусты жұқтырғандардың саны азайып келеді. Елдің Денсаулық сақтау министрлігінің хабарлауынша, олардың саны екінші күн қатарынан төмендеп отыр. Мәселен, бұрын бір тәулікте бұл ауруға шалдыққандар 2000-нан асса, кеше оны 1749 адам жұқтырған. Осылайша, эпидемияның шарықтау шегі артта қалды деген үміт бар. Соңғы мәліметтерге сәйкес, вирустан 2004 адам қайтыс болды. Ал оны жұқтырғандар 74 мыңнан асып отыр. Қытай ғалымдарының сөзінше, жаңа дерттен көбіне егде жастағы қарттар мен созылмалы ауруға шалдыққандар жан тәсілім етіп жатыр. Бүгінге дейін каронавирустан 14 мыңнан астам адам емделіп, үйлеріне жіберілген.

Жансая ҚАПАСҚЫЗЫ