Қытайда коронавирус құрбандарының саны мыңнан асты - «Qazaqstan» Ұлттық телеарнасы

Қытайда коронавирус құрбандарының саны мыңнан асты

11.02.2020

Соңғы мәліметтер бойынша, қауіпті инфекциядан бір тәулікте 108 адам көз жұмып, қаза тапқандардың саны 1016-ға жеткен. Ал оны жұқтырғандар тізімі 42638-ге дейін өсті. Бұл - 2002-2003 жылдары жаппай тараған атипті пневмония көрсеткішінен әлдеқайда жоғары. Дегенмен бүгінге дейін 3996 науқас вирус қоздырған дерттен айығып, ауруханадан шыққан.

Дүниежүзілік денсаулық сақтау ұйымының хабарлауынша, вирустың әрі қарай қалай өрбитінін болжау қиын. Алайда оның таралуын өршітпей, ұстап тұруға мүмкіндік бар. Сондықтан ұйым бүгін осы мақсатта Женеведа жаһандық форум өткізіп, індетке қарсы вакцина мәселесін талқылауды жоспарлап отыр.

Жансая Қапасқызы

Хабарламаларға жазылу