Қытайда коронавирустық пневмониядан емделіп жазылғандар саны артып келеді. Соңғы тәулік ішінде бұл аурудан 66 науқас көз жұмса, 260-ы дерттен айығып, ауруханадан шыққан. Осылайша жаңа пневмониядан емделгендер саны 900-ге жетіп отыр.
Бастапқыда дене қызуы, жөтел және өкпе қабынуы белгілерімен емханаға түскен науқастардың тиісті ем-домнан кейін жағдайларының жақсарғаны байқалған. Вирусқа бірнеше қайтара жасалған тест те теріс нәтиже берген соң, дәрігерлер оларды үйлеріне қайтаруды жөн көрді.
Жансая Қапасқызы