Қазақстанда күн жылынады

Синоптиктер 1-3 ақпанда ауа райы қандай болатынын хабарлады.

Каспийдің үстінде циклон қалыптасып, ол таяу күндері атмосфералық ағындар мен оңтүстік-батыс тропосфералық ауа ағындарымен бірге Қазақстанға ауысады. Циклон өзімен бірге ылғалды және жылы ауа массаларын әкеліп, түнде ауа температурасы +2…8°С болады. Яғни, республикадағы ауа температурасы бірден көтеріледі. 

«Демалыс күндері оңтүстікте және оңтүстік-шығыста +3…13°С, дүйсенбі күні солтүстік, орталық және шығыс облыстарда 0…-8°С болады. Атмосфералық ағындар жылумен бірге жауын-шашын әкеледі: оңтүстікте және батыста жаңбыр, қар аралас жаңбыр жауса, басқа өңірлерде қар жауады», - делінген «Қазгидромет» хабарламасында.