Жаңалықтарды Telegram арнамыздан оқыңыз!Алматы облысы Талғар ауданында көпбалалы аналарға арналған көрме өтті. Шара барысында мамандар алтын құрсақты аналарға кәсіп бастаудың жолдарын үйретті.
Мәселен, мемлекеттік бағдарламалар арқылы грант жеңіп, жобаларын ұсынып немесе шаштараз, тігін және өзге де мамандықтарды мемлекет тарапынан тегін меңгеруге болады. Ал, көрмеге осы уақытқа дейін жетістікке жеткен көпбалалы аналардың қолынан шыққан дүниелері мен өзге де бизнес жобалар ұсынылды.
Сондай-ақ, қатысушылар өзара пікір алмасып, кәсіп бастау үшін не қажет екенін талқылады.
Нұрхан НҰРЛАНҰЛЫ
