Оңтүстік Кореяның Ансан қаласында отандасымыз өлі күйінде табылды

Мұхиттың ар жағынан жеткен суыт хабар! Оңтүстік Кореяның Ансан қаласында отандасымыз өлі күйінде табылды. Кореядағы қазақстандық дипломаттар қазір қайғылы оғиғаның мән жайын анықтап жатыр.

Негізі жерлесіміздің денесі 5 күн бұрын табылған. Бірақ ақпарат құралдарына енді ғана жарияланып отыр. Десе де, марқұмның кім екені және Ансанда қандай мақсатпен жүргені айтылған жоқ. Ал кейбір ақпарат көздерінде қаза тапқан азаматтың 29 жастағы Орал қаласының тұрғыны екені жазылған. Бірақ Сыртқы істер министрлігі мұны жоққа шығарып, растаған жоқ. Қазір сот медициналық сараптама тағайындалып, тергеу жүріп жатыр.

Досжан МАРАТҰЛЫ