Жаңалықтарды Telegram арнамыздан оқыңыз!Биыл елімізде міндетті әлеуметтік медициналық сақтандыру жүйесі енгізілді. Осыған байланысты Денсаулық сақтау министрлігінің мамандары Қостанайда баспасөз мәслихатын өткізді. Министрлік өкілдерінің айтуынша, жаңа жүйе медицина саласына мол қаржы құйып, қызмет сапасын арттыруға жол ашады. Қостанай облысында 405 мың адамның төлемін мемлекет мойнына алып отыр. Яғни осынша адам сақтандыруға қалтасынан қаржы шығармайды. Олар негізінен студенттер, зейнеткерлер тәрізді көмекке мұқтаж әлеуметтік топтың өкілдері. 280 мың адамға қаржыны жұмыс берушілері аударады. Ал жеке кәсіпкерлер мен өзін - өзі қамтушы азаматтар бір реттік төлем жасап жаңа жүйенің қызметін пайдалана алады.
Дәурен ӘБДІБЕК
