Премьер-Министр мереке күндеріне байланысты бірқатар тапсырма берді

30.12.2019
Премьер-Министр мереке күндеріне байланысты бірқатар тапсырма берді

Үкімет отырысында ҚР Премьер-Министрі Асқар Мамин министрлер мен облыс әкімдеріне бірқатар тапсырма берді.

«Алдағы мереке күндері өңірлердің әкімдері барлық қызметтердің кезекшілік кестесін қатаң сақтауы қажет. Жылумен және электрмен жабдықтау тұрақты болуы керек. Алдын ала болжам бойынша, қаңтар айында қатты аяздар күтілуде. Сондықтан барлық параметрлер нормаларға сәйкес болуы тиіс. Әкімдер жылыту маусымын жеке бақылауда ұстауы керек. Энергетика министрлігіне жылу орталықтарындағы қазандықтар мен жағармай станциялардағы отын қорын бақылауды тапсырамын», - деді Үкімет басшысы. 

Сонымен қатар Премьер-Министр Ішкі істер министрлігіне күшейтілген режімде жұмыс істеп, азаматтардың тыныштығы мен қауіпсіздігін қамтамасыз етуді тапсырды. 

«Жаңажылдық іс-шаралар өткізу орындарындағы өрт қауіпсіздігі және қоғамық тәртіп мәселелеріне мониторинг жүргізу қажет. Сонымен қатар, автокөліктердің жолдағы қауіпсіздігі бойынша алдын алу шараларын уақытанда қабылдау қажеттілігін тағы да ескертемін»,- деді ол. 

Осы орайда Асқар Мамин Ішкі істер министрі Ерлан Тұрғымбаевқа бұл мәселелерді бақылауға алуды тапсырды. «Жалпы бақылау Роман Склярға жүктеледі»,- деді Үкімет басшысы.

Хабарламаларға жазылу