Зейнетақы жинағын баспана мен білім алуға жұмсауға қатысты тетіктер дайын - «Qazaqstan» Ұлттық телеарнасы

Зейнетақы жинағын баспана мен білім алуға жұмсауға қатысты тетіктер дайын

25.12.2019

Зейнетақы жинағын баспана мен білім алуға жұмсауға қатысты тетіктер дайын. Оны Мемлекет басшысы бекіткеннен кейін, жалпыға жария етеміз. Бүгін Үкіметте өткен баспасөз мәслихаты кезінде Премьер-Министрдің орынбасары Бердібек Сапарбаев осылай деді. Оның айтуынша, зейнетке шыққан адамның бейқам өмір сүруі үшін 11-12 млн теңге жинақтауы керек. Қазір қорда 10 млн-ға жуық салымшының 10 трлн теңге жинағы бар. Орташа есеппен бір салымшының есепшотында 1 млн теңгесі бар. Жалпы биылғы он екі ай әлеуметтік мәселелер күн тәртібінен түспеген жыл болды. Осы орайда атаулы әлеуметтік көмек тағайындалды. Әл-ауқаты төмен отбасылардың несие бойынша қарыздары мен өсімпұлдары кешірілді. 1 млннан астам қазақстандықтың банк алдындағы қарызы өтелді. Өтеменің жалпы сомасы 33 млрд теңгеге таяу. Келер жылы да мемлекет әлеуметтік мәселелерді шешуге мән беріп, осы бағыттағы жұмысты жалғастыра бермек. 

Ғабит БӨКЕБАЙ

Хабарламаларға жазылу