Үкіметке жабылу қаупі төніп тұр

АҚШ Федералдық Үкіметіне сенбіде жартылай жабылу қаупі төніп тұр. Бұған жол бермеу үшін Конгресстің өкілдер палатасы 1,4 триллион долларлық бюджет жобасын мақұлдады. Қаржылық құжат Сенаттың бекітуіне жіберілді. Осы қаражаттың 738 миллиарды қорғанысқа, 425 миллионы президенттік және Конгресс сайлауын ұйымдастыруға бөлінеді.

Айта кетсек, былтырғы жылдың соңы мен осы жыл басында Америка үкіметі 35 күнге жұмысын тоқтатып, ондаған мың мемлекеттік қызметкер уақытша жұмыстан босатылған еді.

Арыстан РЫСБЕК